މަޝްހޫރު ބޮލީވުޑްގެ ތަރި އަމިތާބު ބައްޗަން، އޭނާގެ ބިޒީ ޝެޑިއުލްއާއި ނަފްސާނީ ގޮތުން ވަރުބަލިވުމުގެ ސަބަބުން އޭނާގެ ބްލޮގް އަޕްޑޭޓް ކުރަން ހަނދާން ނެތުނުކަން ހިއްސާކޮށްފިއެވެ.
އޭނާ ބުނީ ބައެއް ދުވަސްދުވަހު ފަތިހު 5:30 ޖެހެންދެން މަސައްކަތް ކުރާ ކަމަށާއި، މިހާ ގިނައިރު މަސައްކަތުގައި ހޭދަކުރަންޖެހުމުގެ ސަބަބުން ނަފްސާނީ ގޮތުން ވަރަށް ބޮޑަށް ވަރުބަލިވާ ކަމަށެވެ.
އަމިތާބު ވަނީ އޭނާގެ ހަޔާތުގައި މި ފަހުން ދިމާވި ހިތާމަތަކުގެ ސަބަބުން ނަފްސާނީ ގޮތުން ވަރަށް ބޮޑަށް ބުރަވެފައިވާ ކަމަށް ހާމަކޮށްފައެވެ. އޭނާ ލިޔެފައިވާ ގޮތުގައި ފާއިތުވި ދުވަސްތަކުގެ ހަނދާންތަކުގެ ސަބަބުން އޭނާގެ ހަށިގަނޑާއި ސިކުނޑިއަށް އަސަރުކޮށްފައިވީ ނަމަވެސް، މަސައްކަތް ހުއްޓާނުލާ ކުރިއަށް ގެންދާ ކަމަށެވެ.
އޭނާ ބުނީ، އަމިއްލަ ދިރިއުޅުމުގައި މިފަދަ ބުރަތައް ހުރި ނަމަވެސް، ފަންނީ މަސައްކަތުގައި ހީވާގިކަން ދެމެހެއްޓުމަކީ ވަރަށް މުހިންމު ކަމެއް ކަމަށެވެ.
